Yoddha – The Warrior (2014) | First Look, Trailer, Motion Poster, Cast & Crew, Release Date

Yoddha-the warrior is an Action, Romance and Family Drama Punjabi film with a revenge story starring Kuljinder Singh Sidhu (Sadda Haq Game), Rahul Dav in lead roles. It is Produced by Kuljinder singh Sidhu, Sanjeev Joshi, Rajiv Kumar & Dinesh sood and Directed by Mandeep Benipal. Film is all set to release on 31 October.

► Writer of Yoddha – Amardeep Singh Gill’s Opinion about Yoddha: ਫਿਲਮਾਂ ਬਣਦੀਆਂ ਹਨ , ਫਿਲਮਾਂ ਰਿਲੀਜ਼ ਹੁੰਦੀਆਂ ਹਨ , ਫਿਲਮਾਂ ਹਿੱਟ ਜਾਂ ਫਲਾਪ ਹੁੰਦੀਆਂ ਰਹਿੰਦੀਆਂ ਹਨ । ਇਹ ਆਮ ਵਰਤਾਰਾ ਹੈ , ਕੋਈ ਫਿਲਮ ਦਰਸ਼ਕਾਂ ਨੂੰ ਪਸੰਦ ਆਉਂਦੀ ਹੈ , ਕੋਈ ਨਹੀਂ ਆਉਂਦੀ , ਪਰ ਫਿਲਮਾਂ ਨਾਲ ਜੁੜੇ ਲੋਕ ਆਪਣਾ ਕੰਮ ਕਰੀ ਜਾਂਦੇ ਹਨ । ਮੈਂ ਵੀ ਉਨਾਂ ਚੋਂ ਹੀ ਇੱਕ ਹਾਂ , ਹਾਂ ਇਹ ਫਰਕ ਜ਼ਰੂਰ ਹੋ ਸਕਦਾ ਹੈ ਕਿ ਮੈਂ ” ਹਰ ਤਰਾਂ ਦੀ ” ਫਿਲਮ ਨਹੀਂ ਕਰਦਾ ਸਿਰਫ ਉਹੀ ਫਿਲਮ ਕਰਦਾ ਹਾਂ ਜਿਸਨੂੰ ਬਣਾਉਣ ਵਾਲੀ ਟੀਮ ਮੈਨੂੰ ਪਸੰਦ ਹੋਵੇ ਅਤੇ ਜਿਸ ਫਿਲਮ ‘ਚ ਮੈਂ ਕੋਈ ਆਪਣੀ ਗੱਲ ਕਹਿ ਸਕਦਾ ਹੋਵਾਂ , ਸਿਰਫ ਮਨਪ੍ਰਚਾਵੇ ਲਈ ਬਣਨ ਵਾਲੀਆਂ ਫਿਲਮਾਂ ਦਾ ਮੈਂ ਅਕਸਰ ਹਿੱਸਾ ਨਹੀਂ ਬਣਦਾ । ” ਯੋਧਾ ” ਵੀ ਇੱਕ ਅਜਿਹੀ ਫਿਲਮ ਹੈ ਜੋ ਮੇਰੇ ਲਈ ਸਿਰਫ ਫਿਲਮ ਨਹੀਂ ਹੈ , ਮੈਂ ਪੂਰੇ ਸੱਤ ਮਹੀਨੇ ਲਾ ਕੇ ਬੜੀ ਮਿਹਨਤ ਨਾਲ ਇਹ ਫਿਲਮ ਲਿਖੀ ਹੈ । ਇਸ ਫਿਲਮ ਦੇ ਗੀਤਾਂ ਦਾ ਮੈਂ ਵਿਸ਼ੇਸ਼ ਤੌਰ ਤੇ ਜ਼ਿਕਰ ਕਰਨਾਂ ਚਾਹੁੰਦਾ ਹਾਂ । ਇਸ ਫਿਲਮ ਲਈ ਮੈਂ ਚਾਰ ਗੀਤ ਲਿਖੇ ਹਨ । ਫਿਲਮ ਦਾ ਸੰਗੀਤ ਗੁਰਮੀਤ ਸਿੰਘ ਨੇ ਤਿਆਰ ਕੀਤਾ ਹੈ , ਮੇਰੇ ਲਿਖੇ ਗੀਤ ਦਲੇਰ ਮਹਿੰਦੀ , ਨਿਰਮਲ ਸਿੱਧੂ , ਗੁਰਮੀਤ ਸਿੰਘ ਅਤੇ ਜੈਜ਼ੀ ਬੈਂਸ ਨੇ ਗਾਏ ਹਨ । ਮੈਂ ਸੱਚ ਕਹਿ ਰਿਹਾ ਹਾਂ ਕਿ ਅਜਿਹੇ ਗੀਤ ਲਿਖਣ ਦਾ ਮੌਕਾ ਮੈਨੂੰ ਪਹਿਲੀ ਵਾਰ ਮਿਲਿਆ ਹੈ । ਬੀਰ -ਰਸ ਨਾਲ ਭਰਪੂਰ ਜੋਸ਼ੀਲੇ ਗੀਤ , ਜਿੰਨਾਂ ‘ਚ ਸਿੱਖ ਫਲਸਫੇ ਦਾ ਗੂੜ ਬਿਆਨ ਵੀ ਆਪ ਸਭ ਨੂੰ ਮਿਲੇਗਾ । ਇਹ ਫਿਲਮ ਅਤੇ ਇਸਦੇ ਗੀਤ ਮੇਰੀ ਰੂਹ ਅਤੇ ਮੇਰੀ ਸੋਚ ਦੇ ਨਾਲ ਇੱਕ ਮਿੱਕ ਹਨ। ਮੈਂ ਜ਼ਿਆਦਾ ਕੁੱਝ ਨਹੀਂ ਕਹਾਂਗਾ , ਜਲਦ ਹੀ ਫਿਲਮ ਦਾ ਸੰਗੀਤ ਰਿਲੀਜ਼ ਹੋ ਰਿਹਾ ਹੈ , ਆਪ ਸਭ ਸੁਣ ਹੀ ਲਓਗੇ । ਇਹ ਪੋਸਟ ਫਿਲਮ ਦੀ ਪਬਲੀਸਿਟੀ ਕਰਨ ਲਈ ਨਹੀਂ ਹੈ ਸਗੋਂ ਦਿਲ ਦੀ ਗੱਲ ਕਹਿਣ ਲਈ ਹੈ , ਧੰਨਾਵਦ ਦੋਸਤੋ !